اسپنر عثمان طارق کا باؤلنگ ایکشن مشکوک قرار، آئی سی سی نے طلب کرلیا
امریکا کے خلاف بہترین کارکردگی کا مظاہرہ کرتے ہوئے عثمان طارق نے 27 رنز دے کر تین وکٹیں حاصل کی تھیں
-
ویب ڈیسک -
امریکا کے خلاف میچ میں بہترین کارکردگی اک مظاہرہ کرنے والے پاکستانی اسپنر عثمان طارق کو آئی سی سی نے طلب کرلیا ہے۔
گزشتہ روز پاکستان اور امریکا کے درمیان کھیلے گئے میچ کے دوران میچ ریفری کی جانب سے عثمان طارق کے باؤلنگ ایکشن کو مشکوک قرار دیا گیا تھا، جس کے بعد آئی سی سی نے انہیں ٹیسٹنگ کے لیے طلب کرلیا ہے۔
واضح رہے کہ امریکا کے خلاف بہترین کارکردگی کا مظاہرہ کرتے ہوئے عثمان طارق نے 27 رنز دے کر تین وکٹیں حاصل کی تھیں۔
آئی سی سی نے عثمان طارق کے باؤلنگ ایکشن کی جانچ کے لیے انہیں 12 فروری 2026 کو سینٹر آف ایکسیلینس، دبئی میں طلب کر لیا ہے۔
جانچ کے دوران عثمان طارق کے باؤلنگ ایکشن کو مختلف تکنیکی پیمانوں پر تفصیلی طور پر پرکھا جائے گا۔
آئی سی سی کی میڈیکل ٹیم ان کے دونوں کہنیوں پر لگے بینڈز کا بھی معائنہ کرے گی تاکہ کسی قسم کی ہٹ دھرمی یا غیر قانونی مدد کی جانچ کی جا سکے۔
آئی سی سی کی جانچ مکمل ہونے اور کلیئر قرار پانے کی صورت میں عثمان طارق بھارت کے خلاف آئندہ میچ کھیلنے کے اہل ہو جائیں گے۔