پاکستان کے نوجوانوں میں بے حد مقبول ریپر اور گلوکار طلحہ انجم نے منگنی کر کے اپنی زندگی کے نئے سفر کا آغاز کردیا ہے۔
طلحہ انجم نے اپنی محنت اور ٹیلنٹ کے ذریعے موسیقی کی دنیا میں بڑا مقام حاصل کیا اور گزشتہ ایک دہائی میں وہ نوجوان نسل کے پسندیدہ ترین گلوکاروں میں شمار ہونے لگے، اب انہوں نے اپنے مداحوں کو ایک خوشخبری دیتے ہوئے منگنی کا اعلان کیا ہے۔
طلحہ انجم کی منگنی میڈیکل ایسٹیٹیشن (Aesthetician) اور معروف سوشل میڈیا انفلوئنسر زویہ کریم سے ہوئی ہے۔
منگنی کی خوبصورت تقریب کراچی میں منعقد ہوئی جس میں قریبی رشتہ داروں اور دوست احباب نے شرکت کی۔ تقریب میں طلحہ انجم نے گرے رنگ کا نفیس سوٹ زیب تن کیا جبکہ زویہ کریم نے لیونڈر رنگ کی ساڑھی پہن کر سب کی توجہ حاصل کر لی۔
سوشل میڈیا پر منگنی کی تصاویر اور ویڈیوز تیزی سے وائرل ہورہی ہیں جبکہ مداح اس جوڑی کیلئے نیک خواہشات اور مبارکباد کے پیغامات بھیج رہے ہیں۔