ٹیرف کے خلاف فیصلہ آیا تو امریکا شدید بحران میں مبتلا ہوجائے گا، صدر ٹرمپ
اگر سرمایہ کاری کے ری فنڈز بھی شامل کیے گئے تو یہ رقم کھربوں ڈالر تک جا سکتی ہے، ٹرمپ
-
ویب ڈیسک -
واشنگٹن: امریکی صدر ڈونلڈ ٹرمپ نے خبردار کیا ہے کہ اگر سپریم کورٹ نے ٹیرف کے خلاف فیصلہ دیا تو امریکا شدید بحران میں مبتلا ہوجائے گا۔
انھوں نے کہا کہ ٹیرف کے خلاف فیصلے کی صورت میں سینکڑوں ارب ڈالر واپس کرنا پڑ سکتے ہیں، جس سے ملک شدید مالی بحران کا شکار ہو سکتا ہے۔
صدر ٹرمپ کے مطابق اگر سرمایہ کاری کے ری فنڈز بھی شامل کیے گئے تو یہ رقم کھربوں ڈالر تک جا سکتی ہے۔
انہوں نے کہا کہ فیکٹریوں، پلانٹس اور مشینری میں کی گئی سرمایہ کاری کا بھی ازالہ کرنا ہوگا، جس کے نتیجے میں امریکا کے لیے ادائیگیاں تقریباً ناممکن ہو جائیں گی۔
امریکی صدر کا کہنا تھا کہ اتنی بڑی رقم کا حساب لگانے میں بھی برسوں لگ سکتے ہیں، اور جو یہ کہے کہ یہ مسئلہ آسانی سے حل ہو سکتا ہے وہ غلط فہمی کا شکار ہے۔
ڈونلڈ ٹرمپ نے مزید کہا کہ اگر قومی سلامتی سے جڑے معاملے میں فیصلہ امریکا کے خلاف آیا تو ملک شدید بحران میں مبتلا ہو جائے گا۔
صدر ٹرمپ نے مزید کہا کہ جب امریکا مضبوط ہوتا ہے تو دنیا بھی مضبوط ہوتی ہے۔
