پاکستانی اداکارہ دنانیر مبین نے اپنی بہن کے ساتھ مل کر ایک دلکش اور توانائی سے بھرپور اتان پرفارمنس پیش کی، جس نے صارفین کے درمیان زبردست مقبولیت حاصل کر لی۔
دنانیر نے یہ ویڈیو اپنی انسٹاگرام سٹوری پر شیئر کی، جس میں دونوں بہنیں روایتی لباس میں اتان کے رنگین انداز میں رقص کرتی نظر آئیں۔
ویڈیو میں ان کی ہم آہنگی اور جاندار رقص کے انداز نے مداحوں کو خاصا متاثر کیا۔ سوشل میڈیا صارفین نے کمنٹس میں دنانیر مبین کے رقص اور بہن کے ساتھ قریبی تعلق کو انتہائی دلکش قرار دیا۔
کئی صارفین نے ویڈیو کو پاکستانی ثقافت اور خوشیوں کی بھرپور عکاسی قرار دیا جبکہ اسے شیئر کرتے ہوئے تعریف کا سلسلہ جاری رہا۔