راولپنڈی: انسداد دہشت گردی عدالت نے 10ویں بار بانی پی ٹی آئی کی بہن علیمہ خان کے ناقابل ضمانت وارنٹ گرفتاری جاری کردیے۔
انسداد دہشت گردی عدالت کے جج امجد علی شاہ نے علیمہ خان سمیت 11 ملزمان کے خلاف 26 نومبر کے احتجاج پر درج مقدمے کی سماعت کی۔
مقدمے میں نامزد دیگر ملزمان عدالت میں پیش ہوئے جبکہ علیمہ خان اور ان کے وکلاء آج بھی عدالت سے غیر حاضر رہے۔
عدالت نے دسویں مرتبہ علیمہ خان کے ناقابل ضمانت وارنٹ گرفتاری جاری کرتے ہوئے انہیں 17 نومبر کو عدالت میں پیش کرنے کا حکم دے دیا۔
بعدازاں مقدمے کی مزید سماعت 17 نومبر تک ملتوی کردی گئی۔
یاد رہے کہ علیمہ خان سمیت 11 ملزمان کے خلاف تھانہ صادق آباد میں مقدمہ درج ہے، ان پر جھلاؤ گھیراؤ، کارسرکار میں مداخلت اور کارکنان کو پرتشدد احتجاج پر اکسانے کا الزام ہے۔