اسلام آباد: وفاقی کابینہ نے سرکاری ملازمین کے لیے ہاؤس رینٹ سیلنگ میں 85 فیصد اضافے کی منظوری دے دی ہے۔
ذرائع کے مطابق یہ منظوری سرکولیشن سمری کے ذریعے دی گئی ہے، تاہم فیصلے کے تحت گریڈ 1 سے 22 تک کے تمام وفاقی ملازمین اور افسران اس اضافے سے مستفید ہوں گے۔
رینٹل سیلنگ میں اضافے کا اطلاق اسلام آباد کے ساتھ ساتھ راولپنڈی، لاہور، کراچی، پشاور اور کوئٹہ کے وفاقی محکموں کے ملازمین پر بھی ہوگا۔
ذرائع نے بتایا ہے کہ حکومت کا یہ فیصلہ بڑھتے ہوئے کرایوں اور رہائشی اخراجات کو مدنظر رکھتے ہوئے کیا گیا ہے تاکہ ملازمین کو ریلیف فراہم کیا جا سکے۔