ملتان: پولیس نے قومی کرکٹر صہیب مقصود کی وہ گاڑی برآمد کرلی جو فراڈ اور دھوکہ دہی سے ان سے ہتھیالی گئی تھی۔
پولیس ترجمان کے مطابق گاڑی کی مالیت تقریباً ایک کروڑ چالیس لاکھ روپے بتائی جارہی ہے۔
ترجمان کے مطابق سی پی او صادق علی ڈوگر کی ہدایت پر تھانہ گلگشت پولیس نے بروقت کارروائی کی، جبکہ ایس ایچ او گلگشت نے اپنی ٹیم کے ہمراہ لاہور میں ریڈ کر کے گاڑی ریکور کی۔
قومی کرکٹر صہیب مقصود نے پولیس کی کارروائی اور تفتیش پر مکمل اطمینان کا اظہار کرتے ہوئے سی پی او صادق علی ڈوگر کا شکریہ ادا کیا۔
سی پی او نے کہا کہ قومی کرکٹر ہمارا قیمتی اثاثہ ہیں، ان کے ساتھ کسی قسم کی زیادتی یا دھوکہ دہی برداشت نہیں کی جائے گی
۔