رواں مالی سال کی پہلی سہہ ماہی کے دوران ایک بار پھر تنخواہ دار طبقے نے باقی تمام طبقات کے مقابلے میں سب سے زیادہ ٹیکس جمع کرایا ہے۔
ذرائع کے مطابق رواں مالی سال کی پہلی سہہ ماہی کے دوران تنخواہ دار ملازمین نے 130 ارب روپے ٹیکس جمع کرایا، جو گزشتہ سال کی نسبت تقریباً 20 ارب روپے زائد ہے۔ گزشتہ مالی سال کی پہلی سہہ ماہی میں یہ رقم 110 ارب روپے تھی۔
اس طرح رواں مالی سال میں تنخواہ دار طبقے کی جانب سے ٹیکس ادائیگی میں 18 فیصد اضافہ ریکارڈ کیا گیا ہے۔
ذرائع کا کہنا ہے کہ تنخواہ دار طبقے نے ہول سیلرز، ریٹیلرز اور برآمدکنندگان سے بھی زیادہ ٹیکس ادا کیا ہے، جبکہ ایف بی آر کو امید ہے کہ سُپر ٹیکس کیسز کلیئر ہونے سے تقریباً 200 ارب روپے کی اضافی ریکوری ممکن ہوگی۔