مسلم لیگ (ن) اور پیپلز پارٹی کے درمیان لفظی گولہ باری کے معاملے پر چیئرمین پی پی پی بلاول بھٹو زرداری نے ہنگامی اجلاس آج طلب کرلیا ہے۔
ذرائع کے مطابق پیپلزپارٹی کے اجلاس میں ن لیگ سے متعلق آئندہ لائحہ عمل طے کیا جائے گا، تاہم چیئرمین پی پی پی بلاول بھٹو زرداری نے زوم اجلاس طلب کیا ہے۔
سی ای سی ارکان سمیت سینیئر قیادت بذریعہ زوم اجلاس میں شرکت کریں گے۔
ذرائع نے بتایا ہے کہ بلاول بھٹو، گزشتہ رات صدر سے لیگی وفد کی ملاقات کے بارے میں بھی اعتماد میں لیں گے۔