پاکستان کرکٹ ٹیم کے سینئر آل راؤنڈر شعیب ملک کی اہلیہ اور معروف اداکارہ ثنا جاوید نے ایشیا کپ کے پاک-بھارت فائنل سے متعلق اپنے شوہر کے حق میں اہم بیان دیا۔
ثنا جاوید نے سوشل میڈیا پلیٹ فارم فیس بک پر اظہارِ خیال کرتے ہوئے کہا کہ اگر شعیب ملک اسکواڈ کا حصہ ہوتے تو ٹیم کا حوصلہ اور صورتحال یکسر مختلف ہوتی۔
اداکارہ کا کہنا تھا کہ شعیب ملک کی موجودگی کھلاڑیوں اور عوام دونوں کے لیے امید کی کرن بنتی جبکہ ان کا برسوں پر محیط تجربہ مشکل وقت میں ٹیم کے لیے قیمتی سہارا ثابت ہوسکتا تھا۔
انہوں نے مزید کہا کہ شعیب ملک کی اکیلے میدان میں موجودگی ہی ٹیم میں ہمت جگانے اور فتح پر یقین پیدا کرنے کے لیے کافی ہے۔