لاہور: بھارت کے خلاف میچ میں فخر زمان کے متنازع آؤٹ پر پاکستان ٹیم انتظامیہ نے آئی سی سی کو باضابطہ شکایت درج کرا دی۔
ذرائع کے مطابق میچ کے بعد ٹیم منیجر نے اپنے تحفظات سے میچ ریفری اینڈی پائی کرافٹ کو آگاہ کیا تھا۔
مزید بتایا گیا ہے کہ پاکستانی ٹیم انتظامیہ نے اپنی میچ رپورٹ میں بھی تھرڈ امپائر کے متنازع فیصلے کو واضح طور پر ہائی لائٹ کیا ہے۔
واضح رہے کہ فخر زمان کے متنازعہ آؤٹ کو لے کر سوشل میڈیا پر بھی گرما گرم بحث چھڑی ہوئی ہے، جس میں شائقین کرکٹ کی جانب سے امپائر کے فیصلے پر آئی سی سی کے طریقہ کار کو بھی تنقید کا نشانہ بنایا جارہا ہے۔