کراچی میں آج موسم کیسا رہے گا؟

محکمہ موسمیات کا کہنا ہے کہ آئندہ 24 گھنٹوں میں شہر کا موسم گرم و مرطوب جبکہ مطلع جزوی ابرآلود رہنے کا امکان ہے۔

محکمہ موسمیات کے مطابق شہر قائد میں آج زیادہ سے زیادہ درجہ حرارت 31 سے 33 ڈگری سینٹی گریڈ رہنے کی توقع ہے جبکہ کم سے کم درجہ حرارت 26.4 ڈگری سینٹی گریڈ ریکارڈ ہوا۔

محکمہ موسمیات نے بتایا کہ گزشتہ روز زیادہ سے زیادہ درجہ حرارت 32 ڈگری سینٹی گریڈ ریکارڈ ہوا تھا۔

محکمہ موسمیات کا مزید کہنا ہے کہ آئندہ 24 گھنٹوں کے دوران شہر میں 10 سے 30 کلومیٹر فی گھنٹہ کی رفتار سے سمندری ہوائیں متوقع ہیں جبکہ ہوا میں نمی کا تناسب 60 سے 85 فیصد رہنے کا امکان ہے۔