علی ظفر کا بارگاہ رسالت ﷺ میں نعت ’’نورِ خدا‘‘ کا ہدیہ پیش ،سرور کائینات حضرت محمد ﷺ سے عقیدت و محبت کا اظہارنعت کے ذریعے کردیا۔
انہوں نے 12 ربیع الاول کے بابرکت موقع پرحضرت محمد مصطفیٰ ﷺ کے 1500ویں یومِ ولادت کی مناسبت سے ایک پراثر نعت “نورِ خدا محمد ﷺ” پیش کی۔ جو روحانیت، محبت اور عقیدت کا بے مثال مظہر ہے۔
یہ نعت رحمن فارس جیسے نامور شاعر کے لکھے ہوئے کلام اور حسن بادشاہ کی موسیقی پر مبنی ہے۔جو علی ظفر کے جذبات اور عشقِ رسول ﷺ کی گہرائی کو موسیقی اور الفاظ کے حسین امتزاج سے بیان کرتی ہے۔
علی ظفر نے نعت کی ریلیز کے موقع پر اپنے جذبات کا اظہار کرتے ہوئے کہاکہ یہ نعت ہمارے پیارے نبی کریم ﷺ کی 1500ویں یومِ ولادت پر پیش کرنا میری زندگی کا سب سے بڑا اعزاز ہے۔
انہوں نے کہاکہ میری خواہش ہے کہ یہ نعت امن، اتحاد اور روشنی کا پیغام بن کر دلوں میں جگہ بنائے۔
ان کاکہناتھاکہ نعت کی ریلیز کے فوری بعددنیا بھر میں مداحوں کی جانب سے زبردست پذیرائی ملی۔ اسے علی ظفر کی جانب سے ایک روحانی مشن کے طور پر سراہا جا رہا ہے۔
“نورِ خدا محمد ﷺ” اپنی پرسوز دھن، پُراثر اشعار اور خلوصِ دل سے پڑھنے کے انداز کے ساتھ ایک ایسا نذرانہ ہے جو نبی کریم ﷺ کی ابدی ہدایت اور محبت کو خراجِ عقیدت پیش کرتا ہے۔
