2
ایران کے ساتھ جنگ ختم ہونے کے قریب ہے، امریکی صدر کا دعویٰ
ایران کو جوہری ہتھیار رکھنےکی اجازت نہیں دوں گا، ٹرمپ
-
ویب ڈیسک -
امریکی صدر ڈونلڈ ٹرمپ نے دعویٰ نے کیا ہے کہ ایران کے ساتھ جاری جنگ اپنے اختتام کے قریب ہے، میں اس جنگ کو اختتام کے بہت قریب سمجھتا ہوں۔
ٹرمپ نے فوکس نیوز کو دیے گئے ایک انٹرویو میں کہا ہے کہ میں مداخلت نہ کرتا تو اس وقت ایران کے پاس جوہری ہتھیار ہوتے، صورتحال کو بدلنے کے لیے فوری اقدام کرنا پڑا۔
انہوں نے کہا کہ ایران کے ایٹمی طاقت بننے سے عالمی توازن متاثر ہو سکتا تھا، اسی لیے امریکا نے سخت مؤقف اختیار کیا۔
امریکی صدر نے واضح کیا کہ ایران کسی بھی طریقے سے معاہدہ کرنا چاہتا ہے، میں ایران کو جوہری ہتھیار رکھنےکی اجازت نہیں دوں گا۔
ڈونلڈ ٹرمپ کا مزید کہنا تھا کہ موجودہ حالات کے بعد ایران کو اپنی تعمیرِ نو کے لیے تقریباً 20 سال درکار ہوں گے۔
