وزیراعظم شہبازشریف نے کہا کہ بزنس سہولت مرکزمیں کسٹمر سے بات چیت کا انداز قابل ستائش ہے، امید ہےکہ نوجوان بی ایف سی کو کامیاب بنائیں گے۔
وزیراعظم شہبازشریف نے اسلام آباد میں پاکستان کے پہلے ون ونڈوبزنس سہولت مرکز کاباضابطہ افتتاح کردیا ہے۔
افتتاحی تقریب کے دوران وزیراعظم کو بزنس سہولت مرکز میں فراہم کردہ سہولیات پر بریفنگ دی گئی۔
یہ بھی پڑھیں: ملک میں شدید بارشیں اور سیلابی صورتحال؛ وزیراعظم کا سیاسی قائدین سے رابطہ
وزیراعظم شہبازشریف نے تقریب سے خطاب کرتے ہوئے کہا کہ بی ایف سی کے قیام پر وزیرسرمایہ کاری بورڈ اور ان کی ٹیم کومبارکباددیتاہوں۔
انہوں نے کہا کہ بزنس سہولت مرکز میں ایچ آر کا شعبہ انتہائی قابل ہے، بدقسمتی سے اس مرکز کے قیام میں تاخیر ہوئی، مگر دیر آئے درست آئے۔
وزیراعظم کا کہنا تھا کہ بی ایف سی کو ایسا متاثرکن مرکزبنایاجائےکہ لوگ اس کی طرف آناپسند کریں، عالمی معیار کےمطابق سہولیات اور رہنمائی فراہم کی جائے، وقت کی ضرورت ہے کہ ہم اپنے کسٹمرز کو مطمئن کریں۔
