نائب وزیراعظم و وزیرخارجہ محمد اسحاق ڈار پاکستان، چین اور افغانستان کے درمیان سہ فریقی مذاکرات کے تیسرے دور میں شرکت کے لیے کابل پہنچ گئے۔
ترجمان دفتر خارجہ کے مطابق ائیرپورٹ پر افغانستان کے نائب وزیر خارجہ محمد نعیم ، چیف آف سٹیٹ پروٹوکول فیصل جلالی، ڈائریکٹر جنرل فرسٹ پولیٹیکل مفتی نور احمداور افغانستان میں پاکستان کے سفیر عبید الرحمان نظامانی نے وزیرخارجہ محمد اسحاق ڈار کا استقبال کیا۔
یہ بھی پڑھیں: سہ ملکی ریلوے پروجیکٹ میں اہم پیشرفت، پاکستان، افغانستان اور ازبکستان نے فریم ورک پر دستخط کر دیے
ترجمان دفتر خارجہ کا کہنا ہے کہ سہ فریقی مذاکرات میں تینوں ممالک کے درمیان تجارت، علاقائی روابط اور انسداد دہشت گردی کے شعبوں میں تعاون بڑھانے پر بات چیت کی جائے گی۔
کابل میں اپنے قیام کے دوران محمد اسحاق ڈار افغان وزیر خارجہ مولوی امیر خان متقی سے دوطرفہ امور پر ملاقات بھی کریں گے۔