پاکستان ویمنز کرکٹ ٹیم نے تیسرے اور آخری ٹی ٹوئنٹی انٹرنیشنل میں آئرلینڈ کو 8 وکٹوں سے شکست دے دی۔
اوپنر منیبہ علی نے شاندار بیٹنگ کا مظاہرہ کرتے ہوئے صرف 68 گیندوں پر ناقابلِ شکست 100 رنز بنائے، جس میں 14 چوکے اور ایک چھکا شامل تھا۔ یہ ان کے ٹی ٹوئنٹی کیرئیر کی دوسری سنچری ہے۔
مزید پڑھیں: پاکستان ویمنز کرکٹ ٹیم کی فاسٹ بولر کو ضابطہ اخلاق کی خلاف ورزی پر وارننگ
میچ میں آئرلینڈ نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 155 رنز اسکور کیے۔ اورلا پرینڈر گاسٹ نے 64 رنز کی ناقابلِ شکست اننگز کھیلی اور ٹیم کو مضبوط مجموعہ فراہم کیا۔
جواب میں پاکستان نے ہدف 17.4 اوورز میں صرف 2 وکٹوں کے نقصان پر حاصل کر لیا۔ منیبہ علی اور عالیہ ریاض نے شاندار بیٹنگ کرتے ہوئے 101 رنز کی ناقابلِ شکست شراکت قائم کی۔ عالیہ ریاض 39 رنز بنا کر ناٹ آؤٹ رہیں۔
اگرچہ پاکستان نے آخری میچ جیت کر سیریز میں کامیابی حاصل کی، لیکن تین میچوں کی سیریز آئرلینڈ کے نام رہی، جس نے 1-2 سے فتح اپنے نام کی۔