Table of Contents
فیلڈ مارشل سید عاصم منیر دورہ امریکا پر پاکستانی کمیونٹی سے خطاب کررہے ہیں / فوٹو
بھارت نے خطے کوجنگ کے دہانے پرلاکھڑاکیا،مزیدغلطی خطرناک ثابت ہوگی۔ فیلڈمارشل عاصم منیر نے کہاہے کہ امتیازی اوردوغلی بھارتی پالیسیوں کیخلاف کامیاب سفارتی جنگ لڑی ہے۔
یہ بات انہوں نے دورہ امریکاکے دوران پاکستانی کمیونٹی سے خطاب میں کہی۔ انہوں نے کہاکہ حالیہ بھارتی جارحیت جوشرمناک بہانوں کے ساتھ شروع کی گئی۔
انہوں نے کہاکہ بھارتی ایجنسی را کی ٹرانس نیشنل دہشتگردسرگرمیوں میں شمولیت عالمی سطح پر شدید تشویش کاباعث ہے۔
اس کی مثالیں کینیڈامیں سکھ رہنما کا قتل، قطر میں آٹھ بھارتی نیول افسران کا معاملہ، اور کلبھوشن یادیو جیسے واقعات ہیں۔
ان کاکہناتھاکہ یہ جارحیت پاکستان کی خودمختاری کی سنگین خلاف ورزی تھی جس میں معصوم شہریوں کو شہید کیاگیا۔
بیرون ملک پاکستانی “برین ڈرین نہیں بلکہ برین گین” ہیں
انہوں نے کہاکہ امریکامیں مقیم پاکستانیوں سے خطاب میرے لیے اعزازہے۔فیلڈمارشل نے کہاکہ بیرون ملک مقیم پاکستانی عزت و وقار کا سرچشمہ اور دیگر پاکستانیوں کی طرح پرجوش ہیں۔
ان کاکہناتھاکہ بیرون ملک پاکستانی “برین ڈرین نہیں بلکہ برین گین” ہیں۔
انہوں نے کہاکہ بھارت اپنے آپ کو “وشوا گرو” کے طور پر پیش کرنا چاہتا ہے لیکن عملی طورپرایسا کچھ بھی نہیں۔
پاک بھارت سمیت مختلف سیزفائر کروانے پرامریکی صدر کا شکریہ
فیلڈمارشل نے اس موقع پرامریکی ترمپ کاشکریہ اداکی۔جن کی بدولت پاک بھارت ہی نہیں کئی جنگیں رکیں۔
انہوں نے کہاکہ پاکستان نے بھارتی اشتعال انگیزی کا پُرعزم اور بھرپور جواب دیا۔ ان کا کہناتھاکہ ہم نے وسیع تر تنازعہ کو روکنے میں کامیابی حاصل کی۔
فیلڈمارشل نے کہاکہ بھارت اب بھی خطے میں عدم استحکام پیدا کرنے پر بضد ہے۔ انہوں نے کہاکہ پاکستان واضح کرچکا ہے کہ کسی بھی بھارتی جارحیت کا منہ توڑ جواب دیا جائے گا۔
مقبوضہ کشمیربھارت کااندرونی معاملہ نہیں،نامکمل عالمی ایجنڈاہے
انہوں نے کہاکہ مقبوضہ کشمیر بھارت کا کوئی اندرونی معاملہ نہیں بلکہ ایک نامکمل بین الاقوامی ایجنڈا ہے۔
فیلڈمارشل نے کہاکہ مقبوضہ کشمیرپراقوامِ متحدہ کی سلامتی کونسل کی قراردادیں بھی موجود ہیں،ہم ان کی حمایت کرتے ہیں۔
انہوں نے کہاکہ محض ڈیڑھ ماہ بعد میرا دوسرا دورہ پاک امریکا تعلقات کے حوالے سے ایک نئی جہت کی علامت ہے۔
ان کاکہناتھاکہ ان دوروں کا مقصد تعلقات کو ایک تعمیری، پائیدار اور مثبت راستے پر گامزن کرنا ہے۔
غزہ میں جاری نسل کشی بدترین انسانی المیہ قرار
انہوں نے غزہ میں جاری نسل کشی کوبدترین انسانی المیہ قراردیا۔ ان کا کہناتھاکہ اس المیے کے عالمی اور علاقائی دونوں سطح پر شدید مضمرات ہیں۔
افغانستان سے کئی دہشتگرد تنظیمیں پاکستان کےخلاف متحرک ہیں
فیلڈمارشل نے کہاکہ افغانستان سے کئی دہشگردتنظیمیں جس میں فتنہ الخوارج شامل ہے،پاکستان کے خلاف متحرک ہیں۔
انہوں نے کہاکہ ہماری ترقی اور خوشحالی دنیا بھر میں بسنے والے پاکستانیوں سے وابستہ ہے۔فیلڈ مارشل کاکہناتھاکہ اس وقت دہشت گردی کے کیخلاف پاکستان آخری فصیل ہے۔
ان کا کہناتھاکہ دہشتگردوں کیلئے کوئی ہمدردی نہیں اور انہیں پوری قوت سے انصاف کا سامنا کرنا ہوگا۔
انہوں نے کہاکہ بیرون ملک مقیم پاکستانیوں کی وطن عزیز کے ساتھ عقیدت اور وابستگی ایک کھلی حقیقت ہے۔
ناگہانی آفات کی صورت میں بھی بیرون ملک پاکستانی سب سے پہلے امداد کی اپیل پر لبیک کہتے ہیں۔
کچھ عناصرسوشل میڈیا کو افرانفری کےلئے استعمال کرتے ہیں
سید عاصم منیر کا کہنا تھاکہا آج کا سوشل میڈیا ایک طاقتور ذریعہ بن چکا۔ تاہم لیکن ملک دشمن عناصر اسے “ساختہ افراتفری” پیدا کرنے کے لیے بھی استعمال کرتے ہیں۔
امریکا سے اہم تجارتی معاہدے متوقع ہیں
ان کاکہناتھاکہ امریکاکے ساتھ ممکنہ تجارتی معاہدے کی بدولت بھاری سرمایہ کاری متوقع ہے۔فیلڈ مارشل نے کہاکہ عالمی تعلقات کے محاذ پر بھی پاکستان نے نمایاں کامیابیاں حاصل کی ہیں۔
امریکا،سعودی عرب، متحدہ عرب امارات اور چین کے ساتھ مختلف مفاہمتی یادداشتوں (MoUs) پر عمل درآمد جاری ہے۔
