غزہ میں بلکتے ہوئے معصوم بچے اور رفح کراسنگ/ فوٹو
اسپین میں امریکی نمائندہ خصوصی اسٹیو وٹکوف نے قطری وزیراعظم شیخ محمد بن عبدالرحمن الثانی سے اہم ملاقات کی، جس میں غزہ کی موجودہ صورتحال، جنگ بندی کے امکانات اور قیدیوں و یرغمالیوں کے تبادلے پر تفصیلی گفتگو کی گئی۔
امریکی میڈیا کے مطابق، دونوں رہنماؤں نے خطے میں جاری انسانی بحران پر گہری تشویش کا اظہار کرتے ہوئے اس بات پر زور دیا کہ جنگ بندی کے لیے تمام فریقوں کو بامعنی مذاکرات کی طرف لانا ناگزیر ہے۔
مزید پڑھیں: قطر اور لبنان کے وزرائے اعظم کی مشترکہ پریس کانفرنس؛ ایران اسرائیل جنگ بندی کا خیر مقدم
ملاقات میں اس امر پر بھی تبادلہ خیال ہوا کہ قیدیوں اور یرغمالیوں کے معاملے کو جلد از جلد حل کرنے کے لیے سفارتی کوششوں میں تیزی لائی جائے، تاکہ نہ صرف انسانی جانوں کو بچایا جا سکے بلکہ خطے میں امن و استحکام کی راہ بھی ہموار ہو۔
قطر کی جانب سے اس عزم کا اعادہ کیا گیا کہ وہ ثالثی کے کردار کو مزید مؤثر بنانے کے لیے عالمی شراکت داروں کے ساتھ مل کر کام کرتا رہے گا۔
