اسپین کے تاریخی شہر قرطبہ میں واقع مشہور مسجد-کیتھیڈرل میں جمعہ کی شب آتشزدگی کا واقعہ پیش آیا، جس پر فوری طور پر قابو پا لیا گیا۔
مقامی میڈیا کے مطابق آگ مسجد کے اندرونی حصے میں اس وقت لگی جب ایک صفائی مشین کی بیٹری پھٹ گئی، جس سے شعلے بھڑک اٹھے اور ایک اندرونی چیپل تک پھیل گئے۔
A fire at the Mosque-Cathedral of Cordoba in Spain was quickly brought under control
➡️ The flames reportedly originated in a sweeper’s battery and spread to an interior chapel of the historic building https://t.co/aWMEJ0MraP pic.twitter.com/Ziye1NdfUk
— Anadolu English (@anadoluagency) August 8, 2025
عینی شاہدین کا کہنا ہے کہ واقعے کے فوراً بعد دھوئیں کے گہرے بادل بلند ہوئے اور علاقے کو فوری طور پر خالی کرا لیا گیا۔ نیشنل پولیس اور فائر بریگیڈ کی تین ٹیموں نے مشترکہ کارروائی کرتے ہوئے آگ کو مزید پھیلنے سے روک دیا۔
حکام نے مسجد کے متاثرہ حصے کو سیل کر دیا ہے جبکہ آگ لگنے کی وجوہات اور ممکنہ نقصان کا جائزہ لینے کے لیے تحقیقات جاری ہیں۔ خوش قسمتی سے واقعے میں کسی جانی نقصان کی اطلاع نہیں ملی۔