11
پاکستان کی جانب سے اقوام متحدہ کے معاہدہ برائے تحفظ سمندری حیاتیاتی تنوع پر دستخط کر دیے گئے ہیں۔
ترجمان دفتر خارجہ کے مطابق نائب وزیراعظم اسحاق ڈار نے پاکستان کی جانب سے یو این ہیڈ کوارٹرز میں بی بی این جے ایگریمنٹ پر دستخط کیے۔
پاکستان نے بی بی این جے معاہدے کی تشکیل میں بطور چیئرمین جی 77 اور ترقی پذیر ممالک کی مشترکہ آواز کے طور پر انسانیت کے مشترکہ ورثے کے تحفظ کے لیے اہم کردار ادا کیاہے۔
یہ بھی پڑھیں: عالمی معاہدہ برائے تحفظِ سمندر جنوری 2026 سے نافذ ہوسکتا ہے، صدر میکرون
بی بی این جے معاہدے پر دستخط پاکستان کی جانب سے کثیر الجہتی فورمز پر تعاون کو فروغ دینے کے عزم کا اظہار ہے۔
معاہدے پر دستخط پاکستان کی جانب سے سمندری حیات کے تحفظ کو قومی حدود سے باہر بھی یقینی بنانے کے عزم کا مظہر ہے۔
