عمر بڑھنے کے ساتھ بڑھاپے آنا ایک فطری عمل جسے روکا نہیں جاسکتا، ہمیشہ جوان رہنے کا کوئی تصور نہیں ہے۔ تاہم تھوڑی سی کوشش سے آپ جلد بڑھاپے کے اثرات سے بچ سکتے ہیں۔ صرف چند روزمرہ کی صحت مند عادات اپنا کر آپ اپنی زندگی میں نمایاں تبدیلی لاسکتے ہیں۔
آپ کی روزمرہ کی زندگی کے انتخاب اور عادات آپ کی صحت مند عمر کا تقریباً 50 فیصد حصہ بناتے ہیں، جبکہ باقی جینیات پر منحصر ہوتا ہے۔ جلد بڑھاپے کے اثرات کو کم کرنے کے لیے یہاں پانچ عادات بتائی جارہی ہیں جن پر عمل کر کے آپ عمر رسیدگی کو اثرات کو کافی حد تک کم کرسکتے ہیں۔
یہ بھی پڑھیں: جلد بڑھاپے سے بچنا چاہتے ہیں تو یہ غذائیں آج ہی ترک کردیں!
فعال رہیں
روزانہ جسمانی سرگرمیوں میں مصروف رہنا زندگی کی مشینری کو تیل کی طرح چلاتی رہتی ہے۔ چاہے تیز چہل قدمی ہو، صبح کی اسٹریچنگ ہو، یا ایروبک ورزش ہو، روزانہ جسمانی طور پر متحرک رہنا آپ کے دل، پٹھوں، اور دماغ کو بہتر حالت میں رکھتا ہے۔ یہ نہ صرف بیماریوں کو روکتا ہے بلکہ آپ کے موڈ کو بھی بہتر بناتا ہے۔ اور جب آپ بہتر محسوس کرتے ہیں تو خود کو زیادہ جوان محسوس کرتے ہیں۔
متوازن غذا لیں
جوبھی کھائیں خوشی سے کھائیں، ایک دبلے پتلے ماڈل کی طرح جسم رکھنے کی خواہش میں نہ پڑیں۔ اس کے بجائے، اپنے BMI کے مطابق صحت مند وزن کو برقرار رکھیں۔ غذائیت سے بھرپور خوراک کا انتخاب کریں۔ اپنے لیے خود کھانا پکانے کی کوشش کریں۔ اگرچہ مصروفیت کی وجہ سے یہ ہر روز ممکن نہیں ہے، تاہم اس کا مطلب یہ نہیں کہ آپ اکثر تیار شدہ اور پراسیسڈ کھانے کھائیں۔ ایسی صحت مند غذاؤں کا انتخاب کریں، جنہیں پکانے کی ضرورت نہ ہو، جیسے پتے والی سبزیاں، پھل، گری دار میوے، پنیر اور دہی۔ سبزیاں اور پھل کھانے سے نہ صرف آپ کی جلد اور بال خوبصورت اور صحت مند رہے گے بلکہ آپ ڈپریشن اور اسٹریس سے بھی محفوظ رہیں گے۔
پرسکون نیند لیں
رات کی پرسکون نیند نہ صرف آپ کی صحت کو بہتر بنانے میں اہم کردار ادا کرتی ہے بلکہ یہ دن کے اوقات میں آپ کو چاک وچوبند رکھ کام کرنے کی صلاحیت کو بھی بڑھاتی ہے۔
نیند کی عادت براہ راست آپ کی صحت کو متاثر کرتی ہے۔ اچھی اور پر سکون نیند ذہنی پریشانی اور دباؤ کو ختم کر سکتی ہے، جو کئی امراض بنیادی وجہ ہے۔
مثبت سوچ اپنائیں
ایک مثبت ذہنیت ضروری ہے تاکہ آپ آج کی پیچیدہ زندگی کا سامنا کر سکیں۔ سوشل میڈیا کے دور میں، آپ دن بھر بہت زیادہ معلومات حاصل کررہے ہوتے ہیں، جو کہ چھی بات ہے۔ لیکن اس کے ساتھ ہی یہ دباؤ کا باعث بھی بن سکتی ہے۔ اسی طرح، 9 سے 5 کا کام کرنے والا شیڈول اکثر جگہوں پر اتنا سازگار نہیں ہوتا۔ لہذا، زندگی کے بارے میں مثبت سوچ رکھنا آپ کو متحرک اور پرجوش رکھے گا۔ یہ دباؤ اور غیر ضروری پریشانی کو کم کرے گا۔ آپ خود کو زیادہ ہلکا اور تروتازہ محسوس کریں گے، جو آپ کی جوانی کو برقرار رکھنے میں مدد دے گا۔
سماجی تعلقات کو ترجیح دیں
دوستوں اور خاندان کے ساتھ وقت گزارنا آپ کی زندگی میں خوشی کا سبب بنتا ہے۔ ایک صحت مند سماجی زندگی دماغی کمزوری، بے چینی، ڈپریشن اور کئی جسمانی بیماریوں کے امکانات کو کم کر سکتی ہے۔ نوجوانوں کو اپنے تعلقات کو ترجیح دینی چاہیے اور اپنے پیاروں کے ساتھ جڑے رہنا چاہیے جتنا ممکن ہو۔
