فتنہ الہندوستان کے خلاف سیکیورٹی فورسز نے بلوچستان میں بڑی کامیابی کرتے ہوئے 4 دہشتگردوں کو جہنم واصل کردیا۔
سکیورٹی ذرائع کے مطابق 19 اور 20 جولائی 2025 کی درمیانی شب سیکیورٹی فورسز کی جانب سے بلوچستان کے علاقے پہرود میں فتنہ الہندوستان کے دہشتگردوں کے خلاف کاکامیاب آپریشن کیا گیا۔
یہ بھی پڑھیں: شمالی وزیرستان میں سیکیورٹی فورسز کا آپریشن، فتنہ الہندوستان کے 14 دہشتگرد ہلاک
ذرائع نے بتایا کہ کامیاب آپریشن میں اب تک فتنتہ الہندوستان کے 4 دہشتگرد جہنم واصل ہوچکے ہیں، جبکہ دہشتگردوں سے فتنہ الہندوستان کا جھنڈا اور ہتھیار بھی برآمد ہوئے ہیں، علاقے میں کلیئرنس آپریشن جاری ہے۔
سیکورٹی ذرائع کا کہنا ہے کہ فتنہ الہندوستان نے حالیہ عرصے میں نہتے اور معصوم پاکستانیوں پر دہشت گردانہ حملے کیے ہیں، فتنہ الہندوستان کے دہشتگردوں اور ان کے سہولت کاروں کو نشان عبرت بنایا جائے گا۔