عاصم اظہر کے کنسرٹ میں ہانیہ عامر کی انٹری نے محفل لوٹ لی، ویڈیوز وائرل

عاصم اظہر کے کنسرٹ میں ہانیہ عامر کی انٹری نے محفل لوٹ لی، ویڈیوز وائرل

ہانیہ عامر نے کنسرٹ میں شرکت کر کے سب کی نظریں اپنی جانب کھینچ لیں

پاکستان کی معروف اداکارہ ہانیہ عامر نے کراچی میں گلوکار عاصم اظہر اور لیجنڈری صوفی گلوکارہ عابدہ پروین کے کنسرٹ میں شرکت کی جہاں ان کی موجودگی نے سوشل میڈیا صارفین کی توجہ اپنی جانب مبذول کر لی۔

سوشل میڈیا پر گردش کرنے والی ویڈیوز اور تصاویر میں ہانیہ عامر کو کنسرٹ سے بھرپور لطف اندوز ہوتے دیکھا جا سکتا ہے۔ وہ عاصم اظہر کی پرفارمنس کے دوران گانے سنتی، ویڈیوز ریکارڈ کرتی اور حاضرین کے ساتھ محفل کے رنگ میں رنگی نظر آئیں۔

ہانیہ عامر کی کنسرٹ میں شرکت کے بعد ایک بار پھر سوشل میڈیا پر ان کے اور عاصم اظہر کے تعلقات سے متعلق مختلف تبصرے اور قیاس آرائیاں سامنے آنے لگیں تاہم دونوں فنکاروں کی جانب سے ان خبروں یا افواہوں پر کوئی ردعمل سامنے نہیں آیا۔

یہ پہلا موقع نہیں کہ ہانیہ عامر عاصم اظہر کے کسی کنسرٹ میں شریک ہوئی ہوں، اس سے قبل بھی ان کی ایسی موجودگی سوشل میڈیا پر موضوعِ بحث بن چکی ہے جہاں صارفین مختلف آرا اور تبصرے کرتے رہے ہیں۔