عاصم اظہر نے مائیکل جیکسن کا انداز اپنا لیا، مداح جھوم اٹھے
عاصم اظہر نے مائیکل جیکسن کو منفرد انداز میں خراجِ تحسین پیش کیا
-
ویب ڈیسک -
پاکستانی گلوکار عاصم اظہر نے پاپ موسیقی کے بے تاج بادشاہ مائیکل جیکسن کا انداز اپنا کر مداحوں کو جھومنے پر مجبور کر دیا۔
سوشل میڈیا پر وائرل ہونے والی ویڈیوز میں دیکھا جا سکتا ہے کہ امریکی شہر ہیوسٹن میں اپنے کنسرٹ کے دوران عاصم اظہر نے مائیکل جیکسن کو منفرد انداز میں خراجِ تحسین پیش کیا جس نے شائقین کو خوب محظوظ کیا۔
کنسرٹ کے دوران عاصم اظہر نے مائیکل جیکسن کے مشہور انداز کی جھلک پیش کی اور ان کا معروف “مون واک” ڈانس موو بھی کیا۔
عاصم اظہر کی اس پرفارمنس پر حاضرین نے بھرپور جوش و خروش کا اظہار کیا اور ہال تالیوں سے گونج اٹھا۔
سوشل میڈیا پر وائرل ہونے والی ویڈیوز کے بعد مداحوں کی جانب سے عاصم اظہر کی تفریح سے بھرپور اس پرفارمنس کو خوب سراہا جا رہا ہے۔