1
یوٹیوبر رجب بٹ کو عدالت سے بڑا ریلیف مل گیا
عدالتی کارروائی کے دوران کیس میں نامزد دیگر ملزمان کی عبوری ضمانتوں پر بھی غور کیا گیا
-
ویب ڈیسک -
لاہور: آن لائن جوا ایپ کی مبینہ غیر قانونی پروموشن کے کیس میں معروف یوٹیوبر رجب بٹ کو عدالت سے ریلیف مل گیا ہے۔
سیشن عدالت لاہور نے کیس کی سماعت کے دوران رجب بٹ کی عبوری ضمانت کو کنفرم کرتے ہوئے اسے مستقل ضمانت میں تبدیل کر دیا۔
اسی کیس میں دوسرے ملزم ندیم نانی والا کی عبوری ضمانت میں 2 جون تک توسیع کردی گئی ہے۔
عدالتی کارروائی کے دوران کیس میں نامزد دیگر ملزمان کی عبوری ضمانتوں پر بھی غور کیا گیا۔
دلائل سننے کے بعد عدالت نے رجب بٹ کے حق میں فیصلہ سنایا جب کہ ندیم نانی والا کے وکلا کو ہدایت کی گئی کہ آئندہ سماعت پر اپنے حتمی دلائل مکمل کریں۔
