کراچی کے مختلف علاقوں میں گیس بند رہے گی

کراچی کے مختلف علاقوں میں گیس بند رہے گی

متاثرہ علاقوں میں گیس کی بحالی صبح 8 بجے تک متوقع ہے، سوئی سدرن

کراچی میں نیپا فلائی اوور کے قریب گیس پائپ لائنز کی لوئرنگ سے مختلف علاقوں میں گیس کی فراہمی عارضی طور پر معطل رہے گی۔

سوئی سدرن نے رات 10 بجے سے صبح 5 بجے تک شیڈولڈ شٹ ڈاؤن کا اعلان کردیا ہے جب کہ سوئی گیس کے مطابق کام صبح 8 بجے تک جاری رہنے کا امکان ہے۔

سوئی گیس کا کہنا ہے کہ گلشنِ اقبال، صدر، لیاری اور جمشید روڈ سمیت متعدد علاقوں میں گیس فراہمی معطل رہے گی۔

سوئی سدرن نے بتایا کہ آغا خان اسپتال، لیاقت نیشنل اسپتال اور کراچی سینٹرل جیل بھی متاثر ہوں گے جب کہ سائٹ انڈسٹریل ایریا میں گیس پریشر کم ہونے کا خدشہ۔

سوئی سدرن کا مزید کہنا تھا کہ متاثرہ علاقوں میں گیس کی بحالی صبح 8 بجے تک متوقع ہے۔