پی ایس ایل 11؛ کراچی کی شاندار فتح، کوئٹہ پلے آف مرحلے کی دوڑ سے باہر
کراچی کنگز کے ڈیوڈ وارنر اور ریزا ہینڈرکس کی جارحانہ بیٹنگ نے جیت میں فیصلہ کن کردار ادا کیا۔
-
ویب ڈیسک -
لاہور: پاکستان سپر لیگ کے اہم میچ میں کراچی کنگز نے شاندار کارکردگی کا مظاہرہ کرتے ہوئے کوئٹہ گلیڈی ایٹرز کو یکطرفہ مقابلے کے بعد 9 وکٹوں سے شکست دے دی۔
کراچی کنگز نے 196 رنز کا ہدف صرف 9 گیندیں قبل حاصل کرلیا جس میں اوپنر ڈیوڈ وارنر اور تیسرے نمبر پر آنے والے بیٹر ریزا ہینڈرکس کی جارحانہ بیٹنگ نے فیصلہ کن کردار ادا کیا۔
Karachi Kings outclassed Quetta Gladiators by nine wickets to finish the league stage with 10 points.#HBLPSL11 | #NewEra | #QGvKK | #GoGold | #GoldenRibbon 🎗️ pic.twitter.com/bUIIBryuPJ
— PakistanSuperLeague (@thePSLt20) April 25, 2026
کراچی کنگز کی جانب سے ڈیوڈ وارنر نے 89 جب کہ ریزا ہینڈرکس نے 87 رنز کی ناقابل شکست اننگز کھیل کر ٹیم کو یادگار فتح دلائی جب کہ جیسن رائے 20 رنز بناکر آؤٹ ہوئے۔
اس سے قبل کوئٹہ گلیڈی ایٹرز نے پہلے بیٹنگ کرتے ہوئے مقررہ اوورز میں بڑا اسکور کیا جس میں رائلی روسو کی 54 گیندوں پر 90 رنز کی شاندار اننگز نمایاں رہی تاہم وہ ٹیم کو کامیابی نہ دلا سکے۔
کوئٹہ کی جانب سے سعود شکیل نے 57 اور چندی مل نے 30 رنز اسکور کیے لیکن دیگر بیٹرز خاطر خواہ کارکردگی نہ دکھا سکے۔
کراچی کنگز کی بولنگ میں عباس آفریدی، رضوان اللہ اور حسن علی نے دو، دو وکٹیں حاصل کیں۔
اس کامیابی کے بعد کراچی کنگز نے پوائنٹس ٹیبل پر 10 پوائنٹس کے ساتھ چوتھی پوزیشن حاصل کرلی ہے جب کہ کوئٹہ گلیڈی ایٹرز پلے آف مرحلے کی دوڑ سے باہر ہوگئی ہے۔
Quetta Gladiators are out of playoffs race.#HBLPSL11 | #NewEra | #QGvKK | #GoGold | #GoldenRibbon 🎗️ pic.twitter.com/kptQsoGQQq
— PakistanSuperLeague (@thePSLt20) April 25, 2026