ایران جنگ کے بعد کویت کا اپنی فضائی حدود دوبارہ کھولنے کا اعلان
فضائی حدود کے دوبارہ کھلنے سے مسافروں کو سہولت میسر آئے گی
-
ویب ڈیسک -
کویت کے حکام نے ایران جنگ کے آغاز کے بعد پہلی بار اپنی فضائی حدود دوبارہ کھولنے اور کویت انٹرنیشنل ایئرپورٹ پر فضائی آپریشن بحال کرنے کا اعلان کر دیا ہے۔
کویتی سول ایوی ایشن اتھارٹی کے مطابق جنگ کے دوران بعض اہم تنصیبات کو نقصان پہنچنے کے باعث حفاظتی اقدامات کے طور پر فضائی آپریشن معطل کیا گیا تھا تاہم اب صورتحال بہتر ہونے کے بعد پروازوں کی بحالی کا فیصلہ کیا گیا ہے۔
حکام کا کہنا ہے کہ فضائی حدود کے دوبارہ کھلنے سے مسافروں کو سہولت میسر آئے گی اور بین الاقوامی پروازوں کا سلسلہ بتدریج معمول پر آ جائے گا۔
Kuwait’s Civil Aviation Authority has announced the reopening of airspace at Kuwait International Airport, with flight operations set to resume gradually starting next Sunday. pic.twitter.com/wQQTp0Z8Yi
— ME24 – Middle East 24 (@MiddleEast_24) April 24, 2026
کویتی حکام نے اس مشکل وقت میں تعاون پر سعودی عرب کا خصوصی شکریہ ادا کیا جس نے کویتی پروازوں کو متبادل فضائی سہولیات فراہم کیں۔
حکام کے مطابق ایئرپورٹ پر تمام ضروری حفاظتی اقدامات اور تنصیبات کی مرمت مکمل ہونے کے بعد جلد ہی مکمل معمول کے مطابق پروازیں بحال کر دی جائیں گی۔
واضح رہے کہ کویت انٹرنیشنل ایئرپورٹ پر فضائی آپریشن گزشتہ 28 فروری سے معطل تھا۔