چاند رات پر شوبز شخصیات کے منفرد انداز سوشل میڈیا پر چھا گئے
پاکستان میں چاند رات روایتی جوش و خروش کے ساتھ منائی جاتی ہے، جہاں بالخصوص خواتین اور بچوں میں اس کی خاص اہمیت ہوتی ہے۔
-
ویب ڈیسک -
عیدالفطر سے قبل چاند رات کے موقع پر پاکستانی شوبز شخصیات کے دلکش اور منفرد انداز سوشل میڈیا پر خوب توجہ حاصل کر رہے ہیں، کسی نے ٹرینڈی کشمیری چوڑیاں پہن کر مداحوں کو متاثر کیا تو کسی نے اعتکاف مکمل کرنے کے روحانی لمحات شیئر کیے۔
پاکستان میں چاند رات روایتی جوش و خروش کے ساتھ منائی جاتی ہے، جہاں بالخصوص خواتین اور بچوں میں اس کی خاص اہمیت ہوتی ہے۔
نوجوان لڑکیاں اس موقع پر مہندی، خریداری اور عید کی تیاریوں میں بڑھ چڑھ کر حصہ لیتی ہیں۔
شوبز ستارے بھی اس خوشی میں پیچھے نہیں رہے اور انہوں نے چاند رات کی خوشیوں کو اپنے مداحوں کے ساتھ شیئر کیا۔
مختلف اداکاراؤں نے خوبصورت تصاویر اور ویڈیوز پوسٹ کیں، ریِلز بنائیں اور اپنی تیاریوں کی جھلک دکھائی۔
حنا آفریدی نے حالیہ شادی کے بعد پہلی چاند رات پر ایک دلکش ویڈیو شیئر کی جبکہ یشما گل اعتکاف مکمل کرنے کے بعد جذباتی انداز میں نظر آئیں۔
عائزہ خان نے بھی چاند رات کی خوبصورت جھلک اپنے مداحوں کے ساتھ شیئر کی۔
اس کے علاوہ کئی اداکاراؤں نے اپنی دوستوں کے ساتھ مہندی کی تقریبات کی تصاویر بھی سوشل میڈیا پر پوسٹ کیں، جو مداحوں میں خوب مقبول ہوئیں۔
