پاکستان میں تیز ترین انٹرنیٹ کے نئے دور کی تیاری، 5G اسپیکٹرم نیلامی کی تاریخ مقرر
یہ اقدام ڈیجیٹل ترقی کی جانب بڑا قدم ہے اور اس سے ملک میں 5G ٹیکنالوجی کی راہ ہموار ہوگی
-
ویب ڈیسک -
پاکستان میں تیز رفتار انٹرنیٹ کے نئے دور کے آغاز کے لیے 5G اسپیکٹرم کی نیلامی کی تاریخ مقرر کر دی گئی ہے۔
پاکستان ٹیلی کمیونیکیشن اتھارٹی (PTA) کے مطابق اسپیکٹرم کی نیلامی 10 مارچ کو کی جائے گی، جس کی تمام تیاریاں مکمل کر لی گئی ہیں۔
حکام کا کہنا ہے کہ حکومت کا یہ اقدام ڈیجیٹل ترقی کی جانب بڑا قدم ہے اور اس سے ملک میں 5G ٹیکنالوجی کی راہ ہموار ہوگی۔
مزید پڑھیں: فائیو جی اسپیکٹرم کی نیلامی کیلئے حتمی انفارمیشن میمورنڈم جاری کر دیا گیا
ابتدائی طور پر بڑے شہروں میں سروس دستیاب ہونے کی توقع ہے، جن میں اسلام آباد، لاہور اور کراچی شامل ہیں۔
مزید بتایا گیا ہے کہ صرف 5G ہی نہیں بلکہ ملک بھر میں موجودہ 4G سروسز کے معیار میں بھی بہتری آئے گی، جس سے صارفین کو بہتر کنیکٹیویٹی اور تیز رفتار انٹرنیٹ سہولیات میسر ہوں گی۔