دانش تیمور اور عائزہ خان کی مقدس مقامات پر تصاویر وائرل

دانش تیمور اور عائزہ خان کی مقدس مقامات پر تصاویر وائرل

معروف جوڑے کے روحانی سفر کی جھلکیاں سوشل میڈیا پر توجہ کا مرکز بن گئیں

پاکستان شوبز انڈسٹری کے مقبول ترین جوڑے دانش تیمور اور عائزہ خان نے عمرہ ادا کر لیا، جس کے بعد ان کی مقدس مقامات پر لی گئی تصاویر سوشل میڈیا پر تیزی سے وائرل ہورہی ہیں۔

دونوں فنکاروں نے طویل عرصے سے جاری مصروف شیڈول سے وقت نکال کر روحانی سفر کا رخ کیا، جہاں انہوں نے مکہ مکرمہ میں عمرہ ادا کیا اور مدینہ منورہ کی زیارت بھی کی۔

دانش تیمور اور عائزہ خان نے مکہ مکرمہ سے اپنی تصاویر سوشل میڈیا پر شیئر کیں جن میں دونوں نہایت پُرسکون اور خوشگوار موڈ میں دکھائی دے رہے ہیں۔

رمضان المبارک سے قبل 2026 میں کیے گئے اس روحانی سفر کی جھلکیاں سوشل میڈیا پر توجہ کا مرکز بنی ہوئی ہیں اور فینز اس خوبصورت جوڑی کو مبارکباد دینے کے ساتھ ساتھ ان کے لیے محبت بھرے پیغامات بھی بھیج رہے ہیں۔