ڈکی بھائی، اہلیہ اور دیگر ملزمان پر فرد جرم عائد

جوا پروموشن کیس: ڈکی بھائی، اہلیہ اور دیگر ملزمان پر فرد جرم عائد

مقدمے کے گواہوں کو 23 فروری کو طلب کرلیا

لاہور کی مقامی عدالت نے یوٹیوبر سعد الرحمان عرف “ڈکی بھائی“، ان کی اہلیہ عروب جتوئی اور دیگر ملزمان کے خلاف جوئے کی پرموشن کے الزام میں فرد جرم عائد کردی ہے۔

ڈکی بھائی کے خلاف جوا پروموشن کیس کی سماعت ضلع کچہری لاہور میں جوڈیشل مجسٹریٹ نعیم وٹو کی عدالت میں ہوئی۔

عدالت میں پیش ہونے پر ڈکی بھائی اور دیگر ملزمان نے صحت جرم سے انکار کیا، جس کے بعد عدالت نے ڈکی بھائی انکی اہلیہ سمیت دیگر ملزمان پر فرد جرم عائد کردی۔

بعدازاں جوڈیشنل مجسٹریٹ نعیم ووٹو نے مقدمے کے گواہوں کو 23 فروری کو طلب کرلیا، این سی سی آئی اے نے ڈکی بھائی سمیت دیگر کے خلاف مقدمہ درج کر رکھا ہے۔