پاکستان سمیت دنیا بھر میں آج یومِ یکجہتی کشمیر منایا جارہا ہے

پاکستان سمیت دنیا بھر میں آج یومِ یکجہتی کشمیر منایا جارہا ہے

پاکستان میں سب سے پہلے کشمیر سے یکجہتی کا دن 5 فروری کو 1991 سے ہر سال منایا جاتا ہے

پاکستان سمیت دنیا بھر میں آج بھارتی مظالم کے شکار مظلوم کشمیریوں کے ساتھ یکجہتی کے اظہار کا دن منایا جا رہا ہے۔

پاکستان میں سب سے پہلے کشمیر سے یکجہتی کا دن 5 فروری کو 1991 سے ہر سال منایا جاتا ہے، اس دن کی مناسبت سے پاکستان کے طول و عرض میں سیاسی اور مذہبی جماعتوں کی طرف سے احتجاجی جلسے جلوس منعقد کیے گئے اور سرکاری سطح پر تقریبات کا انعقاد کیا گیا۔

بھارت کی جانب سے مقبوضہ کشمیر کی خصوصی حیثیت ختم کرنے اور لاک ڈاؤن کے نفاذ کے باعث اس دن کی اہمیت میں اضافہ ہوگیا ہے۔

اس موقع پر پاکستان بھر میں عام تعطیل ہے تاہم کم لوگ ہی یہ جانتے ہیں کہ پاکستان میں اس دن کو منانے کی شروعات کب اور کیسے ہوئی اور کس شخصیت نے سب سے پہلے ریاستی سطح پر اس دن کو منانے کا مطالبہ پیش کیا۔

یومِ یکجہتی کشمیر کشمیری عوام کے حقِ خودارادیت اور اقوامِ متحدہ کی قراردادوں کے مطابق مسئلہ کشمیر کے منصفانہ حل کے تجدیدِ عزم کا دن ہے۔

یومِ یکجہتی کشمیر کو  انسانی زنجیروں  اور  میڈیا مہمات کےذریعے یہ پیغام دیا جاتا ہے کہ کشمیر ایک بین الاقوامی طور پر تسلیم شدہ تنازع ہے، عالمی برادری کو چاہیے کہ مقبوضہ جموں و کشمیر میں شہری آزادیوں کا تحفظ یقینی بنایا جائے۔

یومِ یکجہتی کشمیر اس عزم کی تجدید ہے کہ پاکستان کشمیری عوام کی حمایت جاری رکھے گا کیونکہ منصفانہ حل کے بغیر خطے میں دیرپا امن ممکن نہیں۔