بارش آڑے آگئی، پاکستان اور سری لنکا دوسرا ٹی 20 ابھی تک شروع نہ ہو سکا
گیلی آؤٹ فیلڈ کے باعث مقررہ وقت پر ٹاس بھی نہیں ہو سکا
-
ویب ڈیسک -
پاکستان اور سری لنکا کے درمیان جاری ٹی 20 سیریز کا دوسرا مقابلہ موسمی رکاوٹ کا شکار ہو گیا۔ سری لنکا کے شہر دمبولا میں ہونے والا میچ بارش کے باعث تاخیر سے شروع ہونے کا امکان ہے۔
مسلسل بارش کے سبب اسٹیڈیم کی پچ کو کورز سے ڈھانپ دیا گیا ہے جبکہ گیلی آؤٹ فیلڈ کے باعث مقررہ وقت پر ٹاس بھی نہیں ہو سکا۔ گراؤنڈ اسٹاف موسم بہتر ہونے کے انتظار میں ہے تاکہ کھیل کا آغاز ممکن بنایا جا سکے۔
شائقین کی نظریں اب موسم کی صورتحال پر جمی ہوئی ہیں، کیونکہ بارش کے ختم ہونے کے بعد ہی میچ کے آغاز یا اوورز میں ممکنہ کمی کا فیصلہ کیا جائے گا۔