پاکستانی باکسر محمد وسیم نے ورلڈ گولڈ بینٹم ویٹ ٹائٹل جیت لیا۔ انہوں نے دوسری انٹرنیشنل باکسنگ چیمپیئن شپ فائٹ فور گلوری میں شاندار کارکردگی کا مظاہرہ کیا۔
فائنل میں باکسر محمد وسیم نے تھائی لینڈ کے جکراوت مجنگو کو 12 راؤنڈز کے مقابلے کے بعد شکست دی۔
فتح کے بعد محمد وسیم نے کہا کہ وہ ایونٹ کے انعقاد پر پاک فوج اور پنجاب حکومت کے شکر گزار ہیں۔ انہوں نے اپنی کامیابی شہدا کے نام کردی۔
پاکستان میں ہونے والی اس چیمپئن شپ میں 15 ممالک کے 44 باکسرز نے حصہ لیا تھا۔
🇵🇰WASEEM SURVIVES THREE KNOCKDOWNS TO WIN
Muhammad Waseem survives two knockdowns in Round 1 and a knockdown in Round 5 to take a 115-110, 114-111×2 UD12 against Jakrawut Majungoen to defend the WBA Gold Bantamweight Title in Lahore pic.twitter.com/ITbMUhFFFL
— Tokkerū (@ATokkers5) November 29, 2025
تقریب سے خطاب کرتے ہوئے وزیراعلیٰ مریم نواز نے کہا ہے کہ وہ چیمپیئن باکسر محمد وسیم کو مبارکباد پیش کرتی ہیں۔ انہوں نے کہاکہ محمد وسیم نے قوم کا سر فخر سے بلند کردیا۔
مریم نواز نے ایونٹ کے کامیاب انعقاد پر پنجاب حکومت اور پاک فوج، کور کمانڈر لاہور کو مبارکباد پیش کی۔ اس موقع پر وزیراعلیٰ پنجاب نے فیلڈ مارشل سید عاصم منیر کا بھی شکریہ ادا کیا۔