بھارتی وزیردفاع کا سندھ سے متعلق بیان خطرناک ذہنیت کا عکاس ہے، پاکستان

بھارتی وزیردفاع کا سندھ سے متعلق بیان خطرناک ذہنیت کا عکاس ہے، پاکستان

پاکستان نے بھارتی وزیردفاع راج ناتھ سنگھ کے سندھ سے متعلق بیان کی شدید مذمت کی ہے۔

اسلام آباد: پاکستان کے دفتر خارجہ طاہر حسین اندرابی نے کہا ہے کہ بھارتی وزیر دفاع کا سندھ سے متعلق بیان خطرناک ذہنیت کا عکاس ہے۔

پاکستان نے بھارتی وزیر دفاع راج ناتھ سنگھ کے سندھ سے متعلق بیان کی شدید مذمت کرتے ہوئے کہا کہ اس قسم کے بیانات توسیع پسندہندوتوا ذہنیت کو ظاہر کرتے ہیں، ہندوتواذہنیت عالمی قوانین، ریاستوں کی خودمختاری کے خلاف ہیں۔

انہوں نے کہا کہ راج ناتھ سمیت ہندوستانی رہنما اشتعال انگیز بیان بازی سے گریزکریں، اس طرح کے اشتعال انگیز بیانات سے خطے کے امن واستحکام کو خطرہ ہے۔

دفتر خارجہ کا کہنا تھا کہ ہندوستان اقلیتی برادریوں کی حفاظت کو یقینی بنانے پر توجہ دے، یواین قراردادوں، کشمیریوں کی امنگوں کے مطابق مسئلہ کشمیر کے حل کے لیے اقدامات کرے۔

پاکستان کی جانب سے مزید کہا گیا کہ بھارت کے ساتھ تنازعات کو عالمی قوانین کی بنیاد پر پرامن حل کرنے اور اپنی سلامتی، آزادی اور خودمختاری کے تحفظ کے لیے پرعزم ہے۔

مزید پڑھیں؛ بھارتی وزیردفاع اپنی اوقات بھول گئے