معروف کامیڈین طارق ٹیڈی کو مداحوں سے بچھڑے 3 برس بیت گئے
اداکار طارق ٹیڈی جگر اور سانس کی بیماری کے باعث 19 نومبر 2022 کو خالق حقیقی سے جا ملے۔
-
ویب ڈیسک -
اسٹیج کے معروف اداکار اور کامیڈین طارق ٹیڈی کو مداحوں سے بچھڑے 3 برس بیت گئے ہیں۔
معروف اداکار طارق ٹیڈی فیصل آباد میں 1976 میں پیدا ہوئے اور انہوں نے کم عمری میں ہی اپنے آبائی شہر سے اسٹیج اداکاری کا آغاز کیا، تاہم فیصل آباد میں اپنے جوہر دکھانے کے بعد وہ لاہور منتقل ہوگئے۔
انہوں نے درجنوں مزاحیہ تھیٹر ڈراموں میں اداکاری کے جوہر دکھائے اور ایک درجن سے زائد پنجابی فلموں سمیت چند اردو فلموں میں بھی اداکاری کی۔
اس کے علاوہ طارق ٹیڈی نے ٹیلی ویژن اور ریڈیو کے ڈراموں میں بھی اداکاری کی۔
اداکار طارق ٹیڈی جگر اور سانس کی بیماری کے باعث 19 نومبر 2022 کو خالق حقیقی سے جا ملے۔