اسلام آباد: کراچی سمیت ملک بھر کے صارفین کے لیے بجلی سستی ہونے کا امکان ہے۔
ذرائع کے مطابق سینٹرل پاور پرچیزنگ ایجنسی (سی پی پی اے) نے ستمبر کی ماہانہ فیول ایڈجسٹمنٹ کے تحت بجلی 37 پیسے فی یونٹ سستی کرنے کی درخواست نیپرا میں جمع کرادی ہے۔
ذرائع کے مطابق نیشنل الیکٹرک پاور ریگولیٹری اتھارٹی (نیپرا) اس درخواست پر 29 اکتوبر کو سماعت کرے گی۔
فی الحال اگست کی ماہانہ ایڈجسٹمنٹ لاگو ہے جس کے تحت بجلی 8 پیسے فی یونٹ مہنگی کی گئی تھی۔
ذرائع کا کہنا ہے کہ اگر نیپرا نے سی پی پی اے کی درخواست منظور کرلی تو صارفین کو آئندہ ماہ بجلی کے بلوں میں ریلیف ملنے کا امکان ہے۔