سعودی عرب نے ایک اور شاندار کامیابی حاصل کرتے ہوئے فیفا ورلڈ کپ 2026 کے لیے کوالیفائی کر لیا ہے۔
منگل کی شب علینمہ اسٹیڈیم، جدہ میں کھیلا گیا میچ سعودی عرب اور عراق کے درمیان بغیر کسی گول کے برابر (0-0) رہا، جس کے نتیجے میں دونوں ٹیموں کو ایک، ایک پوائنٹ ملا۔
سعودی ٹیم کو ورلڈ کپ میں رسائی کے لیے صرف ایک پوائنٹ درکار تھا، جو اس میچ کے ڈرا ہونے کے بعد حاصل کر لیا گیا۔
اس نتیجے کے ساتھ ہی سعودی عرب ایشین کوالیفائرز کے گروپ بی میں پہلی پوزیشن پر آ گیا اور فیفا ورلڈ کپ 2026 میں اپنی نشست یقینی بنا لی۔
یہ سعودی عرب کی مسلسل تیسری اور مجموعی طور پر ساتویں بار عالمی فٹبال کے سب سے بڑے ٹورنامنٹ میں شرکت ہوگی، جو ان کی فٹبال میں مستقل بہتری اور کامیاب حکمتِ عملی کا ثبوت ہے۔
یاد رہے کہ فیفا ورلڈ کپ 2026 آئندہ سال امریکا، کینیڈا اور میکسیکو میں مشترکہ طور پر منعقد کیا جائے گا، جس میں پہلی بار 48 ٹیمیں حصہ لیں گی۔