بھارتی کرکٹ ٹیم کے کپتان سوریا کمار یادیو کے بعد فاسٹ باؤلر ارشدیپ سنگھ بھی مشکل میں پھنس گئے ہیں۔
ذرائع کے مطابق پاکستان کرکٹ بورڈ (پی سی بی) نے ارشدیپ سنگھ کے خلاف باضابطہ طور پر انٹرنیشنل کرکٹ کونسل (آئی سی سی) کو درخواست جمع کرا دی ہے۔
درخواست میں مؤقف اختیار کیا گیا ہے کہ ارشدیپ سنگھ نے 21 ستمبر کو پاک بھارت میچ کے اختتام پر شائقین کی طرف رخ کر کے نازیبا اشارے کیے، جو آئی سی سی کے کوڈ آف کنڈکٹ کی کھلی خلاف ورزی ہے۔
پی سی بی نے مؤقف اپنایا کہ بھارتی فاسٹ باؤلر کے اس رویے سے کھیل کی ساکھ کو نقصان پہنچا اور ان کے خلاف سخت ایکشن لیا جانا چاہیے۔
واضح رہے کہ اس سے قبل بھارتی بیٹر سوریا کمار یادیو کو سیاسی بیان بازی پر آئی سی سی کے سامنے پیش ہو کر وضاحت دینا پڑی تھی۔
ذرائع کا کہنا ہے کہ پی سی بی نے آئی سی سی سے مطالبہ کیا ہے کہ ارشدیپ سنگھ کے خلاف بھی ضابطہ اخلاق کی خلاف ورزی پر فوری کارروائی عمل میں لائی جائے۔