ایف بی آر نے سوشل میڈیا پر دولت کی نمائش کرنے والوں کیخلاف کارروائی کا فیصلہ کرلیا۔
فیڈرل بورڈ آف ریونیو (ایف بی آر) نے اس حوالے سے ایک لاکھ امیر افراد کا ڈیٹا جمع کر لیا ہے، جبکہ شادیوں پر بڑے اخراجات کرنے والے نان فائلرز کے خلاف بھی کارروائی ہوگی۔
یہ بھی پڑھیں: تنخواہ دار طبقہ ایف بی آر کے ریڈار پر آ گیا، دو ماہ میں 15 ارب روپے اضافی وصولی
ذرائع ایف بی آر کے مطابق سوشل میڈیا پر دولت کی نمائش کرنے والے افراد کا ڈیٹا جمع کر لیا گیا ہے، شادیوں پر بیس بیس ہزار ڈالر کے سوٹ استعمال کرنے والے پکڑ میں آئیں گے، بنگلوں، گاڑیوں، زیورات کی نمائش کرنے والوں کو ذرائع آمدن بتانا ہوں گے۔
ذرائع کا مزید کہنا ہے کہ ایف بی آر گزشتہ سال جمع کرائے گئے گوشواروں کا اس سال سے موازنہ کرے گا، ٹیکس گوشوارے نہ بڑھنے پر ایسے افراد کے خلاف کارروائی ہوگی۔