ایشیا کپ کی تیاریاں جاری رکھتے ہوئے پاکستان کرکٹ ٹیم کے ہیڈ کوچ مائیک ہیسن نے کھلاڑیوں کو ایک منفرد چیلنج دے کر سب کو حیران کر دیا۔
گزشتہ روز قومی اسکواڈ کو ٹریننگ کے دوران ’’بلائنڈ فولڈ چیلنج‘‘ کرایا گیا، جس میں کھلاڑیوں کی آنکھوں پر پٹیاں باندھ کر مختلف مشنز دیے گئے۔ کسی کو گیند تلاش کرنے کا ٹاسک ملا تو کسی کو پانی کا گلاس ڈھونڈنے کی ہدایت دی گئی۔
Pakistan team blindfold challenge | Fun team bonding moments | Asia Cup 2025 | Zalmi TV
VC: PCB #Pakistan #AsiaCup #Fun #Blindfold #Cricket #PAKvIND #ZalmiTV pic.twitter.com/IKKwkrTExh
— Zalmi TV (@zalmitvlive) September 10, 2025
چیلنج کے دوران کھلاڑیوں کی مدد کے لیے ایک ساتھی کھڑا ہوتا جو آواز کے ذریعے رہنمائی کرتا۔ دلچسپ بات یہ رہی کہ کچھ ساتھی سچے مددگار ثابت ہوئے جبکہ کچھ نے شرارتیں بھی کیں۔ کسی نے قریب رکھا ڈسپوزیبل گلاس پاؤں سے ہٹا دیا تو کسی نے الجھا کر مزید مشکل کھڑی کردی۔
کوچ کے اس انوکھے ٹریننگ سیشن کا مقصد کھلاڑیوں میں ٹیم ورک، اعتماد اور فوری ردعمل کی صلاحیت کو بہتر بنانا بتایا جارہا ہے۔