لاہور تعلیمی بورڈ میں رحمت اللعالمین کے حوالے سے شاندار محفل میلاد النبی ﷺ کا انعقاد کیا گیا۔جس میں سیکرٹری لاہور بورڈ رضوان نزیر اور کنٹرولر امتحان توصیف الرحمن نے خصوصی شرکت کی۔
پروگرام میں قرآنِ پاک کی تلاوت،نعت خوانی اور نبی کریم ﷺ کی سیرت و تعلیمات پر تقاریر شامل تھیں ۔
اس موقع پر ڈاکٹر آصف مصطفائی نبی کریمﷺ کی تعلیمات ہمارے لئے مشعل راہ ہیں، قومی یکجہتی اورمذہبی ہم آہنگی کا فروغ ہم سب کی ذمہ داری ہے۔
لاہور تعلیمی بورڈ سیرت النبی صلی اللہ علیہ والہ وسلم کی تقریب سے امن، محبت اور رواداری کا پیغام دیا گیا۔ محفل نعت میں معروف نعت خواں آصف پہلوان نے آقائے دو جہاں ﷺ کی بارگاہ میں عقیدت کے پھول نچھاور کیے۔
خطاب میں کہاگیا کہ سیرت النبی ﷺ پوری انسانیت کے لیے مشعلِ راہ ہے،ہمیں اپنی زندگی کو آپ ﷺ کی تعلیمات کے مطابق ڈھالنا ہوگا۔
محفل میں اساتذہ، طلبہ اور افسران کی بڑی تعداد شریک ہوئی، شرکاء نے اسے ایمان افروز اجتماع قراردیا۔
محفل کے اختتام پر ملک و ملت کی ترقی، خوشحالی اور سلامتی کے لیے خصوصی دعائیں مانگی گئیں۔
