پشاوراوراسلام آباد سمیت ملک کے مختلف شہروں میں زلزلے کے جھٹکے محسوس کیے گئے۔جس کی شدت ریکٹر اسکیل پر 5.9 ریکارڈ کی گئی۔
شہری کلمہ طیبہ کا ورد اور استغفارکرتے ہوئے گھروں سے باہرنکل آئے ۔ ایک ہفتے میں دوسری بارمختلف علاقوں میں زلزلے کے جھٹکے محسوس کیے گئے ۔
مالا کنڈ،بونیر،سوات ،چارسدہ،اٹک لنڈی کوتل میں بھی زلزلے کے جھٹکے محسوس ہوئے۔ان جھٹکوں سے شہری خوف و ہراس میں مبتلا ہو گئے۔
اٹک، کامرہ،میانوالی،حضرو،منڈی بہائوالدین،حسن ابدال میں بھی لوگ گھروں سے باہر نکل آئے۔ کرک، نوشہرہ، صوابی،دیر اورچترال میں بھی زلزلے کے جھٹکے محسوس ہوئے۔
زلزلے کے جھٹکے 9 بج کر 56 منٹ پر محسوس کئے گئے۔زلزلے کا مرکز کوہ ہندوکش افغانستان میں تھا۔ زلزلے کی زیر زمین گہرائی 111 کلومیٹر تھی۔