بی ایل اے اور مجید بریگیڈ کو دہشتگرد قراردینا پاکستانی موقف کی تائید ہے، بلاول

بی ایل اے اور مجید بریگیڈ کو دہشتگرد قراردینا پاکستانی موقف کی تائید ہے۔ بلاول بھٹو زرداری نے کہاہے کہ کوشش ہوگی کہ اقوام متحدہ سے بھی ان تنظیموں پر پابندی لگوائی جائے۔

یہ بات انہوں نے حیدرآبادمیں ایک تقریب کے بعدمیڈیا سے گفتگو کرتے ہوئے کہی ۔انہوں نے کہاکہ دہشت گردتنظیمیں مزدوروں اور معصوم شہریوں کو نشانہ بناتی ہیں۔

انہوں نے کہاکہ کالعدم بلوچستان لبریشن آرمی (بی ایل اے) اور مجید بریگیڈ نے بھارت کا ساتھ دیا۔

بلاول بھٹو نے کہاکہ پاکستان بھارت تنازع میں مودی کا کھل کر ساتھ دے چکی ہیں۔ انہوں نے کہا کہ مودی حکومت دریائے سندھ کا پانی روکنے کی دھمکیاں دے رہی ہے۔

ان کاکہناتھاکہ سندھ طاس معاہدے کے تحت بھارت کو پاکستان کو اس کے حق کا پانی دینا پڑے گا۔بلاول نے کہاکہ  یہ پاکستان کے کروڑوں عوام کی زندگی کا سوال ہے، اس پر سب کو یکساں آواز اٹھانا ہوگی۔

چیئرمین پییپلزپارٹی نے زراعت میں ڈریپ ایریگیشن سمیت جدید تکنیک اپنانے پر زور دیا۔ انہوں نے کہاکہ صوبوں کو این ایف سی ایوارڈ کے تحت حق دیا جائے۔

ان کاکہناتھاکہ ایف بی آر کی ناکامی کی سزاصوبوں کو دینے کی مخالفت کی۔ بلاول بھٹو نے کہاکہ 27ویں آئینی ترمیم پر کسی بھی حکومتی مشاورت کی تردید کی۔

چیئرمین پی پی پی نے سندھ پیپلز ہاؤسنگ منصوبے کو شفاف قرار دیا۔ انہوں نے کہاکہ لاکھوں خاندانوں کو گھر فراہم کیے جا رہے ہیں۔

انہوں نے حیدرآباد میں ایئرپورٹ کی ضرورت پربھی   زوردیا۔ ان کا کہناتھاکہ وزیراعظم سے اس پربات کریں گے اور ضرورت پڑی تو سیالکوٹ کی طرز پر خود منصوبہ شروع کیا جا سکتا ہے۔

بلاول نے کہاکہ رنگ روڈ منصوبے سے شہر میں ترقی کی رفتار بڑھے گی اور پینے کے صاف پانی کی فراہمی بہتر ہوگی۔