ٹویوٹا نے عالمی سطح پر ہائی لکس 2025 ماڈل متعارف کروا دیا ہے جس میں ڈیزائن، فیچرز اور انجن کی کارکردگی میں نمایاں بہتری لائی گئی ہے۔
پاکستان میں ٹویوٹا ہائی لکس کے اس ماڈل کی آمد رواں سال کے آخر تک متوقع ہے۔
نئی فیچرز؛ اس بار کیا مختلف ہے؟
ٹویوٹا ہائی لکس 2025 میں نیا فیس لفٹ فرنٹ گرِل،ایل ای ڈی ہیڈلائٹس اور اپگریڈڈ بمپر شامل کیے گئے ہیں۔
مزید برآں نئی 7 اسپيڈ آٹومیٹک ٹرانسمیشن اور سسپنشن سسٹم کو بہتر کیا گیا ہے۔ اندرونی حصے میں نئی 10.1 انچ ٹچ اسکرین، ایپل کار پلے، اینڈرائیڈ آٹو اور جدید ڈرائیور اسسٹ فیچرز بھی شامل ہیں۔
انجن اور پرفارمنس
2025 ماڈل میں 2.8 لیٹر ڈیزل انجن برقرار رکھا گیا ہے، مگر اس بار زیادہ ٹارک اور بہتر فیول ایفیشینسی کے ساتھ پیش کیا جا رہا ہے۔
4 بائی 4 ڈرائیو موڈ،ہل اسسٹ اور الیکٹرانک اسٹیبلٹی کنٹرول جیسی خصوصیات، آف روڈنگ کے شوقین صارفین کے لیے قابلِ قدر اضافہ ہیں۔
پاکستان میں متوقع قیمت اور دستیابی
پاکستان میں ہائی لکس 2025 کی قیمت کا اندازہ 1 کروڑ 20 لاکھ روپے سے 1 کروڑ 35 لاکھ روپے کے درمیان لگایا جا رہا ہے جس کا انحصار ویرینٹس اور ٹیکس پالیسی پر ہوگا۔
انڈس موٹر کمپنی اس ماڈل کو مقامی مارکیٹ میں نومبر یا دسمبر 2025 میں لانچ کرسکتی ہے۔ ابتدائی طور پر یہ ماڈل ریوو وی اور ریوو جی ویرینٹس میں دستیاب ہوگا۔
مارکیٹ پر اثر اور صارفین کا ردعمل
ہائی لکس 2025 کا نیا ڈیزائن اور بہتر کارکردگی پاکستانی گاڑیوں کے شوقین افراد کے لیے ایک پرکشش آپشن ثابت ہوسکتا ہے۔ خاص طور پر کارپوریٹ، سیکیورٹی اور آف روڈ صارفین میں اس کی طلب میں اضافہ متوقع ہے۔
