ایران کا ’یکطرفہ معاہدہ ختم‘ اور ’آبنائے ہرمز‘ بند کرنے کا اعلان

امریکی حملے: ایران کا ’یکطرفہ معاہدہ ختم‘ اور ’آبنائے ہرمز‘ بند کرنے کا اعلان

اپنے وعدوں پر قائم رہیں یا پھر اس کی قیمت چکانے کے لیے تیار رہیں، باقر قالیباف

امریکی حملوں کے بعد ایران نے امریکا کے ساتھ طے شدہ معاہدہ ختم کرنے اور آبنائے ہرمز کو تاحکمِ ثانی بند رکھنے کا اعلان کردیا ہے۔

ایران کے اعلیٰ مذاکرات کار محمد باقر قالیباف نے سوشل میڈیا پلیٹ فارم ایکس پر جاری اپنے بیان میں کہا ہے کہ یکطرفہ معاہدوں کا دور ختم ہوچکا ہے۔

انہوں نے مزید کہا کہ ہم پہلے ہی خبردار کر چکے تھے کہ یا اپنے وعدوں پر قائم رہیں یا پھر اس کی قیمت چکانے کے لیے تیار رہیں۔ اب حقیقت سامنے آچکی ہے۔

The era of one-sided deals is OVER. We told you: keep your word or pay the price. Reality is knocking. pic.twitter.com/B97ogCYGaj

— محمدباقر قالیباف | MB Ghalibaf (@mb_ghalibaf) July 12, 2026

قالیباف نے اپنے بیان میں امریکا کے حالیہ حملوں کو معاہدے کی خلاف ورزی قرار دیتے ہوئے کہا کہ ایران اپنے مفادات اور قومی سلامتی کے تحفظ کے لیے ضروری اقدامات کرے گا۔

تاہم ایران کی جانب سے معاہدہ ختم کرنے اور آبنائے ہرمز بند کرنے کے اعلان پر امریکی حکام کی جانب سے فوری طور پر کوئی باضابطہ ردعمل سامنے نہیں آیا۔