قومی کرکٹ ٹیم کے ہیڈ کوچ مائیک ہیسن نے تین ملکی سیریز میں حاصل ہونے والی حالیہ فتوحات سیلاب متاثرین کے نام کر دیں۔
بول نیوز کے مطابق قومی کرکٹ ٹیم کے ہیڈ کوچ مائیک ہیسن نے تین ملکی سیریز میں حاصل ہونے والی حالیہ فتوحات سیلاب متاثرین کے نام کر دیں۔ پاکستان نے سیریز میں افغانستان اور یو اے ای کو شکست دی تھی۔
مزید پڑھیں: ایک گیند پر 3 چھکے، 22 رنز؛ کرکٹ کی تاریخ کا منفرد ریکارڈ
فتوحات کے بعد سوشل میڈیا پلیٹ فارم ایکس پر اپنے پیغام میں مائیک ہیسن نے کہا کہ یہ کامیابیاں ان لوگوں کے لیے وقف ہیں جو اس وقت مشکل حالات سے گزر رہے ہیں۔ انہوں نے متاثرین کی حفاظت اور ہمت کے لیے دعا بھی کی۔
These back-to-back wins are dedicated to everyone affected by the floods in Pakistan. Some people are really struggling and we are praying for safety and strength for all those affected back in Pakistan. ❤️
— Mike Hesson (@CoachHesson) August 30, 2025
یاد رہے کہ پاکستان کے مختلف علاقے سیلاب اور لینڈ سلائیڈنگ سے شدید متاثر ہیں، جبکہ پنجاب کے دریاؤں میں سیلابی صورتحال کے باعث ہزاروں افراد بے گھر ہو گئے ہیں۔ اب تک مختلف حادثات میں 30 سے زائد افراد جان کی بازی ہار چکے ہیں۔