مہنگا سونا مزید مہنگا، قیمت تاریخ کی بلند ترین سطح پر

کراچی: ملک میں آج سونے کی فی تولہ قیمت میں 3600 روپے کا اضافہ  ریکارڈ کیا گیا ہے۔

ملک بھر میں سونے کی قیمت میں ان دنوں اضافے کا سلسلہ جاری ہے،  کاروباری ہفتے کے آخری روز سونے کی قیمت میں بڑا اضافہ ریکارڈ کیا گیا ہے۔

یہ بھی پڑھیں: مالی سال 2024-25 میں سونے کی قیمتوں میں ہوش اُڑا دینے والا اضافہ

آل پاکستان صرافہ جیمز اینڈ جیولرز ایسوسی ایشن کے مطابق ملک میں آج سونے کی فی تولہ قیمت میں 3600 روپے اضافہ ہوا ہے، جس کے بعد سونا 3 لاکھ 67 ہزار 400 روپے پر جا پہنچا ہے۔

اس کے علاوہ دس گرام سونے کی قیمت 3172 روہے اضافے سے 3 لاکھ 14 ہزار986 روپے ہوگئی ہے۔

عالمی مارکیٹ میں سونا 36 ڈالر اضافے سے فی اونس 3447 ڈالر ہوگیا ہے۔

واضح رہے کہ ہفتہ بھر میں ایک تولہ سونا 7600 روپے اور 10 گرام 6515 روپے مہنگا ہوا ہے، جبکہ عالمی مارکیٹ میں ایک ہفتے میں فی اونس سونے کی قیمت 76 ڈالر بڑھ گئی ہے۔